नेपाल समाज अपराधका नयाँ-नयाँ प्रवृत्ति देखा पर्दै गएका छन् । उसो त प्रत्येक समाज भित्रैबाट अपराधको जन्म हुने कुरो विश्वमै नौलो भने होइन । समाजमा राम्रा वा नराम्रा जस्तोसुकै गतिविधि बढ्ने क्रमसँग अपराधको वृद्धि हुनुलाई अगल मान्न सकिन्न । तथापि, समाजले सदैव अपराध र अपराधजन्य क्रियाकलापको विरुद्ध पहलकदमी लिनु समाजको अस्तित्वकै लागि समेत आवश्यक विषय हो । समाज सुसंस्कृत, समुन्नत, प्रगतिशील, समृद्ध र विकसित बन्नका लागि निश्चित सामाजिक मापदण्ड, परम्परा, संस्कार, नियम र विभिन्न मुलुकहरुले प्रचलित ऐन, कानुन र नियमहरु तय गरेका छन् । अन्ततः यी सबैको साझा मर्म भन्नु मानव समाजलाई अनुशाषित, इमान्दार, चरित्रवान र जिम्मेवार बनाउनकै लागि हो । समाज र मानव विरोधी तथा मुलुकको ऐन, कानुनले निषेध गरेको कार्य गर्नु अपराध हो । मानिसले मानिसकै हत्या गर्नु थप जघन्य अपराध हो । तर वर्तमान अवस्थामा घर, परिवार र श्रीमान् श्रीमतिकै बीच हत्याको प्रयास र वार्दातहरु हुन थालेका छन् । अघिल्ला यस्ता केही हत्या प्रकरणहरुले नेपाल सञ्चार क्षेत्रलाई गजबले नै खिचेको थियो र छ । भर्खरै मोरङको लेटाङमा यस्तै प्रकारले भएको आपराधिक घटनाले हाम्रो समाजमा अपराध र आपराधिक मानसिकताको परकाष्टलाई उधाङ्गो पारेको छ ।
गत फागुन १ गते आफ्नै श्रीमानको सुनुयोजित हत्या गराउन आपराधिक समूह परिचालन गरेर ३९ वषर्ीया सुन्दरी र्राईले सफलता प्राप्त गरिन् । तथापि, पाप धुरीबाट कराउँछ भने झैँ उनको सफल हत्या योजना प्रहरी अनुसन्धान अघि फितलो बन्न पुग्यो । ६ लाख रुपैयाँ खर्चेर आफ्नै श्रीमानको हत्या गराएकी सुन्दरीले गोहीको आँशु चुहाएर गरेको विलाप र शोक प्रकट अन्ततः नितान्त नाटक मात्र सिद्ध भइसक्दाको यो घडिमा नेपाली समाजमा अब श्रीमान श्रीमती बीचकै सम्बन्धलाई पनि शंकाको घेरा भन्दा बाहिर राख्न सकिने स्थिति रहेन । भारतीय सैनिकका रुपमा कार्यरत आफ्ना श्रीमान राजमनि र्राईको हत्याको योजना बुनेर वर्षोनी सुन्दरीले ५० हजार रुपैयाँ एड्भान्स दिएर जुन कार्य गरिन् त्यसले अन्ततः उनको बाँकी जीवनलाई जेलको कालो छिँडी सम्मको यात्रा तय गरिसकेको छ । पल्टनबाट ४० दिन विदामा आएका राजमनीका लागि घर-परिवार मध्ये पनि आफनै जीवन सङ्गीनी नै काल बनिन् । सुन्दरीले मोरङ प्रहरी समक्ष दिएको बयान अनुसार राजमनीले उनलाई मानसिक र शारीरिक याताना दिने गरेको, परस्त्रीसँग अनैतिक सम्बन्ध राखेको जस्ता तर्क पेश गरेर जति नै उम्कन खोजे पनि कानुनले उनका तर्कलाई मान्यता दिन सक्दैन । कुनै व्यक्ति हत्याको अपराधजन्य कृत्यका अघि जस्तासुकै तर्क र सबुत निर्रथक प्रयास मात्र हुन् । कानुनबाट उम्कन । यर्सथ, यो हत्या प्रकरणले सिद्ध गरिसकेको छ कि, नेपाली समाजमा अपराधका थुप्रै नवीन प्रयास र प्रयोगहरुमा पारङ्गत बन्दै गएका छन् । आफ्नै घर परिवार भित्र प्रतिशोध, इष्र्या, विश्वासघात जस्ता कारण हत्याका घटना बढ्दो छन् । समाजको समृद्धिका लागि मानव हत्या जस्ता जघन्य अपराध सदाका लागि बाधक तत्व मात्र हो । घरेलु हिंसा, झै-झगडा, रिसइवी, लेनदेन, डरधाक, धम्की, अपहरण, हत्या जस्ता कुकृत्यले नेपाली समाजलाई कुन युग तिर धकेल्दै छ - यो पाटोबाट गम्भीर विश्लेषण जरुरी छ । यही गतिले नेपाली समाजको छवि ओह्रालो लाग्दै गएको छ ।
0 प्रतिकृया:
Post a Comment