दमक/ झापाको दमकमा अत्याधुनिक पुस्तकालय स्थापनार्थ आगामी फागुन २८ र २९ गते वेरङ्ग, रंगहरु नामक नाटक मञ्चन गरिने भएको छ ।
पुस्तकालय स्थापना गर्ने तयारी गरिरहेको पढ्ने घर दमक नामक संस्थाले शनिबार दमकमा पत्रकार सम्मेलन गरि सो जानकारी दिएको हो । साहित्यकार प्रकाश आङ्देम्बेको परिकल्पना तथा निर्देशन रहेको सो नाटक दमकमा रहेको नेपाल रेडक्रस
सोसाइटी उपशाखा दमकको सभाहलमा मञ्चन गरिने छ ।
स्थानीय गन्तव्य थिएटरको प्रस्तुति रहेको नाटकमा विगत ५ वर्षयता नाट्य क्षेत्रमा कार्यरत पूर्वाञ्चलका कालाकारहरुको प्रस्तुति रहने जनाइएको छ । एक घण्टा लामो समय अवधि मञ्चन हुने नाटक हेर्न आउने दर्शकले ५० देखि एक हजारसम्मको टिकट किन्नुपर्ने आयोजकले जनाएको छ । यसरी शुल्क लिएर प्रदर्शन गर्न लागिएको नाटक झापाको हकमा पहिलो रहेको समेत आयोजकले दाबी रहेको छ ।
0 प्रतिकृया:
Post a Comment