बिर्तामोड/ग्याँस बिक्रेता महासंघ झापाको दोश्रो जिल्ला अधिवेशनले टेकबहादुर थापाको अध्यक्षतामा नयाँ कार्य समिति चयन गरेको छ ।
बिर्तामोडमा सोमबार भएको अधिवेशनले दमकका व्यवसायी थापालाई अध्यक्षमा निर्विरोध निर्वाचित गरेको हो । नव निर्वाचित समितिको उपाध्यक्षत्रयमा बिर्तामोडका व्यसायीहरु लक्ष्मी ओली, खड्ग सिटौला र रमा तामाङ, सचिवमा दमकका व्यवसायी गंगा ढकाल, उप-सचिवमा लखनपुरका राजु न्यौपाने र कोषाध्यक्षमा बिर्तामोडकै प्रदीप गोयल रहेका छन् ।
समितिका सदस्यहरुमा पुष्प उप्रेती, फागुलाल शाह, टंक सिटौला, श्याम आचार्य, निरज ओली, ज्ञानु पौडेल, सुरज शाह, राधिका क्षेत्री र गुरु अधिकारी रहेका छन् । ५ सदस्यपछि थप गरिने नवनिर्वाचित अध्यक्ष थापाले बताए ।
महासंघका निवर्तमान केन्द्रीय अध्यक्ष ज्ञानेश्वर अर्यालको प्रमुख आतिथ्यमा भएको कार्यक्रममा केन्द्रीय महासचिव महेश्वर श्रेष्ठले समेत बोलेका थिए । कार्यक्रममा अध्यक्ष इन्द्र पाठकले पेस गरेको प्रतिवेदन पारित गरिएको थियो । (फोटो : अध्यक्ष थापा)
0 प्रतिकृया:
Post a Comment