माइधार/झापाको माइधारमा सोमबार ३० औँ राष्ट्रिय मगर दिवसका अवसरमा विविध कार्यक्रम सम्पन्न गरिएको छ ।
नेपाल मगर संघ जिल्ला कार्यसमिति झापाको आयोजनामा सम्पन्न कार्यक्रमका बीच मगर संघका झापा जिल्ला संस्थापकहरु खड्गबहादुर खपाङ्गी मगर, लालबहादुर आलेमगर, इन्द्रबहादुर पुलामी मगर र असुना थापा मगरलाई सम्मान गरिएको थियो । त्यस्तै शिक्षा क्षेत्रमा योगदान गर्ने शम्भुनाथ मगर, तिलकबहादुर थापा मगर र धनबहादुर थापा मगर लगायत विभिन्न क्षेत्रका १५ जना सम्मानित भएका छन् ।
राष्ट्रिय दिवसका अवसरमा विभिन्न खेलकुद र सांस्कृतिक प्रतियोगिता समेत सम्पन्न भएको थियो । संघका वरिष्ठ केन्द्रीय उपाध्यक्ष बसन्त र्घर्ती मगरको प्रमुख आतिथ्य र कोशी अञ्चल संयोजक खुमा पुलामी मगरको विशिष्ट आतिथ्यमा सम्पन्न कार्यक्रममा संघका झापा अध्यक्ष परशुराम मगरको अध्यक्षता रहेको थियो भने सञ्चालन कैलाश थापा मगर र लीला मगरको रहेको थियो ।
0 प्रतिकृया:
Post a Comment