काठमाडौं । सरकारले भूकम्पपीडितलाई राहतका नाममा गुणस्तरहीन चामलसहितका खाद्यान्न बाँड्ने विश्व खाद्य कार्यक्रममाथि कारबाही चलाउन निर्देशन दिएको छ । प्रधानमन्त्रीको कार्यालयका सचिव शान्तराज सुवेदीको कार्यालयमा आइतबार भएको सरोकारवालाबीचको छलफलपछि विश्व खाद्यले बाँडेका खाद्यान्नको यथाशीघ्र परीक्षण गरी गुणस्तरहीन पाइएमा प्रचलित कानुन अनुसार हदैसम्म कारबाही गर्न निर्देशन दिइएको हो । गोरखाको लाप्राका लगायतका स्थानमा बाँडिएको चामल र पेयपदार्थको वाणिज्य विभाग र खाद्य प्रविधि तथा
गुण नियन्त्रण विभागले तीन दिनभित्र परीक्षण गरी गुणस्तरहीन पाइएमा कारबाही चलाएको जानकरी प्रमको कार्यालयलाई दिन पनि बैठकले निर्देशन दिएको छ । गुणस्तरहीन खाद्यान्न बाँड्नेलाई असारत २ गते नै कारबाहीको निर्देशन दिइएसकिएको छ । भूकम्प प्रभावितक्षेत्रमा विश्व खाद्यबाट वितरित चामल गुणस्तहीन र मानव स्वास्थ्यलाई हानिकारक पाइएको गुनासो आइरहेका छन् ः सचिव सुवेदीले भने ः कृषि मन्त्रालय, वाणिज्य तथा आपूर्ति मन्त्रालय, गृह मन्त्रालय, वाणिज्य विभाग एवं खाद्य प्रविधि तथा गुण नियन्त्रण विभागका पदाधिकारीसँग छलफलमा खाद्य सामग्रीको परीक्षण गरी अखाद्य र गुणस्तरहीन पाइएमा हदैसम्म कारवाही गर्न निर्देशन दिइएको छ ।
गोदाममा कुहिएको दाल
नेपालगन्ज । विपद् व्यबस्थापन अनुगमन तथा निर्देशन बिशेष समितिले आइतबार बाँकेमा रहेका विश्व खाद्य कार्यक्रमका गोदामहरु निरिक्षण गर्दा कुहिएको दाल फेला पारेको छ । कपास विकासको गोदाममा रहेको ५ सय १४ टन केराउको दाल अखाद्य भेटिएको हो । बाँकेका ३ वटा
गोदाममध्ये खजुरा कपास बिकास समितिको हातामा रहेको गोदाममा गुणस्तरहीन खाद्यान्न फेला परेको अनुगमन समितिका संयोजक तथा सभासद् सन्जय गौतमले बताए । ‘कुहिएको दाल फेला परेको छ, त्यस्तो दाल कसरी आयो अध्ययन गर्दै छौं,’ उनले भने ।
0 प्रतिकृया:
Post a Comment