उर्लाबारी । एलएलसीमा पूर्वी मोरङबाट इटहरामा रहेको राष्ट्रनिर्माण सेकेण्डरी बोर्डिङ स्कुलले सबैभन्दा धेरै विशिष्ट श्रेणी ल्याएको छ । उर्लाबारी क्षेत्रमा रहेको ठूला भनिएका नीजि विद्यालयलाई समेत पछार्दै ग्रामिण क्षेत्र इटहरा १ सोमबारेमा रहेको राष्ट्रनिर्माण विशिष्ट श्रेणीमा उत्कृष्ट अंकसहित शतप्रतिशत विद्यार्थी उतिर्ण गराएको हो । राष्ट्रनिर्माणबाट परीक्षामा सहभागी २७ जनामध्ये ८ जान विशिष्ट श्रेणी र अरु १९ जना सबै प्रथम श्रेणीमा उतिर्ण भएको विद्यालयका प्रिन्सिपल विश्वास ढकालले जानकारी दिए । ढकालले पूर्वी मोरङमा आफ्नो विद्यालयको विशिष्ट श्रेणी सबैभन्दा धेरे रहेको दावी गरे । राष्ट्रनिर्माणबाट गत वर्षहरुमा पनि बिशिष्ट श्रेणी सहित शतप्रतिशत विद्यार्थी उतिर्ण भएका थिए ।
0 प्रतिकृया:
Post a Comment