धुलाबारी । नेकपा एमालेका वैकल्पिक पोलिटव्यूरो सदस्य एवं झापा क्षेत्र नं. १ का सभासद् रविन कोइरालाले सूचना विनाको समाज अब परिकल्पना गर्न नसकिने बताएका छन् । २२ औं द्रेणचार्य क्षेत्री स्मृति दिवसको अवसरमा आइतबार धुलाबारीमा नेकपा एमाले झापा जिल्ला प्रचार विभाग र प्रेस चौतारी झापाको संयुक्त आयोजनामा क्षेत्रीयस्तरको सूचना तथा संचार अभिमुखीकरण कार्यक्रमको उद्घाटन गर्दै कोइरालाले यस्तो बताएका हुन् । उनले सूचनाको युगमा पार्टीका हरेक क्रियाकलापहरु आमसञ्चार माध्यमबाट सम्प्रेषित हुन सके कार्यकर्ता र जनताले सुसूचित हुन सहयोग मिल्ने बताए । एमाले झापा जिल्ला अध्यक्ष चिन्तन पाठक, जिल्ला कमिटी सदस्य तथा १ नं. क्षेत्रीय इन्चार्ज गोपाल बुढाथोकी, क्षेत्रीय अध्यक्ष अर्जुन पौडेल लगायतले मन्तव्य राखेका थिए । कार्यक्रममा जिल्ला प्रचार विभाग प्रमुख माधव विद्रोही, प्रेस चौतारीका पूर्व अध्यक्ष गोपाल गड्तौला, प्रेस चौतारीका जिल्ला अध्यक्ष गोपाल काफ्ले, नेपाल पत्रकार महासंघका पूर्व केन्द्रीय सदस्य मोहनकाजीले सहजीकरण गरेका थिए ।
अधिकांश सहभागीहरुले समाजमा भएका विविध गतिविधि र घटनालाई सञ्चार माध्यममा पुर्याउने सजिलो उपायको सम्बन्धमा जिज्ञासा राखेका थिए । जिज्ञासालाई सहजकर्ताहरुले आफूहरुले सहभागिता जनाएको पार्टी गतिविधिको जानकारी सञ्चारकर्मीलाई उपलब्ध गराउन सकियो भने समाचार सम्प्रेषण हुने सुझाए ।
अधिकांश सहभागीहरुले समाजमा भएका विविध गतिविधि र घटनालाई सञ्चार माध्यममा पुर्याउने सजिलो उपायको सम्बन्धमा जिज्ञासा राखेका थिए । जिज्ञासालाई सहजकर्ताहरुले आफूहरुले सहभागिता जनाएको पार्टी गतिविधिको जानकारी सञ्चारकर्मीलाई उपलब्ध गराउन सकियो भने समाचार सम्प्रेषण हुने सुझाए ।
0 प्रतिकृया:
Post a Comment