काठमाडौं । कांग्रेसले महाभूकम्प पीडितका लागि प्रभावित क्षेत्रमा ३ हजार १ सय ५० अस्थायी टहरा निर्माण गरेको जनाएको छ । कांग्रेसका भूकम्प प्रभावित विभिन्न जिल्लाहरुमा खटिएको टोलीले श्रमदानबाट ३ हजार १ सय ५० टहरासँगै १ हजार १ सय २५ भग्नावशेष हटाइएको, १ हजार ८५ विद्यालय कक्षा कोठा, एउटा मन्दिर र १० वटा सामूदायिक भवन निर्माण गरेको जनाएको छ । कांग्रेस अभियानमा १५ हजार सहभागी भएको आइतबार पार्टी कार्यालय सानेपामा भएको पत्रकार सम्मेलनमा प्रवक्ता दिलेन्द्रप्रसाद बडुल जानकारी दिए । उनका अनुसार श्रमदानमा झापादेखि कञ्चनपुरसम्मका तराई क्षेत्रका विभिन्न जिल्लाहरुबाट पार्टी, भातृ एवं शुभेच्छुक संस्थाका नेता कार्यकर्ता खटिएका छन् । नेपाली कांग्रेसको केन्द्रीय नीति तथा प्रशिक्षण प्रतिष्ठानले भूकम्पपछि ‘कस्ता वस्ती, कस्ता घर’ विषयक अन्तक्र्रिया कार्यक्रम आयोजना गरेको छ । यसैबीच कांग्रेसको भूकम्प पीडित राहत कोषमा हालसम्म १ करोड ६४ लाख ३९ हजार ९ सय २९ रुपैयाँ जम्मा भएको छ ।
0 प्रतिकृया:
Post a Comment