पथरीशनिश्चरेस्थित पथरी बजारमा आयोजित कार्यक्रममा बृष प्रधान, रगुन गुरुङ, विनोद राई, समिर विक, मनि दियाली, सुधाश्रेया दवाडी, पंकज सापकोटा, होमा डाँगी सहितका श्रष्ठाहरुले गीत प्रस्तुत गरेका छन् । स्थानीय विद्यालयका विद्यार्थीका लागि केन्द्रीत गरिएको कार्यक्रममा स्थानीय विद्यालयका पायल तामाङ, योजना आलेमगर, सृष्टिका शेर्मा, एन्सा बोहोरा, क्षितिज राई सहितले नृत्य प्रस्तुत गरे । प्रविण सुवेदीको चोटिलो हाँस्यव्यङ्ग्य प्रस्तुति रहेको थियो । त्यहाँ, राजकुमार सुब्बा, अशोक बस्नेत, ददिराम ढकालले कविता प्रस्तुत गरेको त्यहाँका कार्यक्रम संयोजक भूपेन्द्र तिम्सिनाले जनाए ।
कंचनजंघा नाट्य समूहको ‘दोबाटे’ टेलिश्रृंखला युनिट, प्याव्सन ७ नम्बर क्षेत्रीय समन्वय समिति पथरी, पथरी स्पोर्टिङ क्लब, नर्मदेश्वर शिवालय मन्दिर, दीपज्योति बाल क्लब, रेडियो सिम्रिक, चुलाचुली रंगमञ्च इलाम सहितको स्थानीय आयोजनामा कार्यक्रम भएको हो । कार्यक्रममा प्रतिष्ठानका सदस्य सचिव एवम् गायक गणेश रसिक, ८० वर्षीय विशिष्ट लोकगायक एलपी जोशी, प्राज्ञ राम धामी सहितको सहभागिता रहेका थियो । जेठ १५ देखि २४ गतेसम्म पूर्वमा त्यसखाले अभियान सञ्चालन भइरहेको छ । अव विर्तामोड, धुलाबारी, इलाममा कार्यक्रम हुनेछ । पूर्व सहितका भूकम्पबाट कम प्रभावित तर अरुतिरको खबरले बढी त्रसितहरुमध्ये २६ जिल्लामा सो अभियान अगाडि बढाइएको प्रतिष्ठानले जनाएको छ ।
0 प्रतिकृया:
Post a Comment