गोरु बोकेको ट्रक दुर्घटना

उर्लाबारी, वैशाख ९/पूर्व पश्चिम राजमार्ग अन्तर्गत मोरङ्को शनिश्चरे–१ डाँस खोला नजिकै ट्रक दुर्घटना भएको छ ।
गोरु बोकेको ना.२ ख ३५२५ नम्बरको ट्रक अनियन्त्रित भई सडक दक्षीणतर्फ अघिल्लो दायाँ चक्काको स्पेलेण्डर भाँच्ची ट्रक दुर्घटना भएको थियो ।  ति गोरु सिराहाबाट भारतको नक्शल लैजाने गरेको बुझिएको छ । दुघर्टनाग्रस्त ट्रकमा रहेको तीनवटा गोरु मरेको र एउटा सिकिस्त अवस्थामा रहेको छ भने १९ वटा सकुशल रहेको पथरीका प्रहरी नायब निरीक्षक शङ्कर चौधरीले जानकारी दिए ।
शिव सेना नेपाल मोरङका अध्यक्ष अजय सेनको नेतृत्व टोलीले मृत गोरुहरुको गाड्ने र घाइतेको उपचार तथा अन्य गोरुहरुको कानुनी प्रक्रियाका लागि इलाका प्रहरी कार्यालय पथरीलाई जिम्मा लगाएको छ । चौपाया ओसार पोसार प्रतिबन्ध भएको आवश्यक कारबाही गरिने पथरी निरीक्षक केशव भट्टराईले बताए । ति गोरुधनीको विषयमा खुल्न सकेको छैन ।
प्लाष्टिक मुक्तको ¥याली
उर्लाबारी÷ मोरङको उर्लाबारीलाई प्लाष्टिक झोला मुक्त प्रभावकारी बनाउने उद्देश्यले ¥याली गरिएको छ ।
उर्लाबारी उद्योग वाणिज्य संघको अगुवाईमा स्थानीय एक दर्जन बढी विद्यालयका विद्यार्थीहरुको सहभागितामा गरिएको ¥यालीले उर्लाबारी नगर परिक्रममा गरेको थियो । संघले गत वैशाख १ गतेदेखि उर्लाबारीमा प्लाष्टिकका झोला मुक्त नगर घोषणा गरेको छ । प्लाष्टिकका झोला मुक्त बनाउनको लागि संघले १० हजार भन्दा बढी झोला बितरण गरेको अध्यक्ष केशव कार्कीले बताए ।

Posted in: समाचार