हातेमालोको नयाँ नेतॄत्व

धरमपुर, माघ २८ २०६८/ धरमपुरस्थित हाम्रो हातेमालो कृषि सहकारी संस्थाको प्रारम्भिक साधारण सभा शुक्रबार सम्पन्न भएको छ ।
संस्थाका अध्यक्ष ताराप्रसाद गौतमको अध्यक्षतामा भएको कार्यक्रममा प्रमुख अतिथि जिल्ला सहकारी संघ झापाका उपाध्यक्ष बलराम गजुरेल रहेका थिए । कार्यक्रममा अध्यक्ष गौतम र कोषाध्यक्ष टंकप्रसाद न्यौपानेको आर्थिक प्रतिवेदन सुझाव सहित पारित भएको थियो ।
साधारण सभाले आगामी ३ वर्षका लागि गौतमको अध्यक्षतामा ११ सदस्यीय नयाँ कार्य समिति चयन गरेको छ । समितिको उपाध्यक्ष पदमप्रसाद कोइराला सचिव तेजेन्द्र घिमिरे सहसचिव जानुका बाँस्कोटा र कोषाध्यक्षमा टंकप्रसाद न्यौपाने रहेका छन् । यस्तै लेखा समितिको संयोजकमा निलाप्रसाद भट्टराई रहेका छन् । समिति सदस्यहरुमा सुवास राई र लेखनाथ पौडेल चयन भएका छन् । सहकारी संस्थामा ६४ शेयर सदस्य रहेका छन् ।

Posted in: समाचार