मोरङ । मधेसी जनअधिकार फोरम लोकतान्त्रिकका अध्यक्ष विजयकुमार गच्छदारले चारदलबीच सहमतिसँगै संबिधान घोषणापछि बन्ने सरकार र पावर सेयरिङका विषयमा सैद्धान्तिक सहमति भएको दाबी गरेका छन् । उनले काँग्रेस, एमालेमध्ये एकले सरकारको नेतृत्व र अर्कोले राष्ट्रपति पाउने तथा एमाओवादी र आप्mनो दलले सभामुख र उपराष्ट्रपति पाउने सैद्धान्तिक सहमति भईसकेको खुलाए । यद्धपी आफनो दलको कुनै दावी भने नरहेको उनले स्पष्ट पारे ।
शनिवार बिराटनगर बिमानस्थलमा कुरा गर्दै गच्छदारले संबिधान घोषणा पछि बलियो राष्ट्रिय सरकार आबश्यक हुने बताए । चारदलबीचको १६ बुँदे सहमति २००७ साल पछिको सबै भन्दा ऐतिहासिक सहमति भएको उनको भनाई छ । ६५ वर्षदेखिको जनताको चाहना पुरा गर्ने हिसावले भएको चारदलबीचको सहमतिले नयाँ नेपालको नक्सा कोरिसकेको बताउदै उनले सहमतिले नेपालमा राजनैतिक गतिरोधलाई समेत समाप्त पारेको बताए । गच्छदारले ऐतिहासिक सहमतिपछि अब संबिधान निर्माणको कार्य दु्रत गतिमा अगाडि बढेको बताउदै साउनको १५ गते भित्रनै नयाँ संबिधान जारी हुने दावी गरे । उनले चारदलबीचको सहमतिवारे बिभिन्न भ्रमहरू फैलाउने कार्य भईरहेको बताउदै सहमतिले संघीयता र गणतन्त्रलाई संस्थागत गरेको बताए । १६ बुँदे सहमतिको राष्ट्रिय र अन्तरर्राष्ट्रिय जगतले स्वागत गरेको बताउदै उनले दुईचार वटा दलले बिरोध गर्दैमा केही नहुने बताए । सहमतिको केही मधेशवादी दलले बिरोध गरेको सुनेको छुु,
गच्छदारले भने ः यो सहमति मधेशको ठुलो जित हो, यसको विरोध गर्नेहरू संघियता र गणतन्त्र विरोधी हुन् राष्ट्रको बृहत निर्माणका लागि आफुले ठुलो जोखिम उठाएको बताउदै उनले १६ बुँदे सहमतिमा आफूले गरेको भूमिकावारे संयुक्त राष्ट्र संघका महासचिव वान कि मुनले समेत आप्mना प्रतिनिधी मार्फत आफुलाई धन्यवाद दिदै सहमतिको स्वागत गरेको जानकारी दिए । अब झिना मसिना कुरा वा दुईचार दलको बिरोधको कुरामा अल्झिनु भन्दा छिटो भन्दा छिटो संबिधान घोषणा गर्ने तर्फ आफूहरू अग्रसर भएको उनको भनाई छ ।
0 प्रतिकृया:
Post a Comment