बिर्तामोड(३०चैत)÷ जिल्ला प्रहरी कार्यालय झापालले ८ दिन अघि झापाको बिर्तामोडमा हत्या गरिएका पत्रकार यादव पौडेलका बारेमा बुधबार सार्वजनिक गरेको प्रतिवेदन प्रति पत्रकार तथा नागरिक समाजका अगुवाहरुले आपत्ति जनाएका छन् ।
प्रहरीले घट्नालाई तोडमोड गरी प्रतिवेदन सार्वजनिक गरिएको भन्दै नेपाल पत्रकार महासंघका अगुवा तथा नागरिक समाजका अगुवाहरुले आपत्ति जनाएका हुन् । प्रहरीको प्रतिवेदनमा पत्रकार पौडेललाई उनीसँगै गएका होटल व्यवसायी युवराज गिरीले तीन तला माथिबाट धकेलेर मारेको उल्लेख छ । उनी पत्रकार पौडेलको सक्रियतामा प्रकाशन हुने भनिएको ‘उज्यालो पूर्व’ नामक पत्रिकाका प्रकाशक थिए । गिरी र पौडेलले हत्या हुने दिन समेत दिन भर बिर्तामोडमा पत्रिकाको कार्यालय कोठा खोजीमा खटिएका थिए ।
प्रहरीले पक्राउ गरेका मध्ये मोरङको सुन्दरपुर–५ घर भई बिर्तामोडमा पूर्वाञ्चल सेकुवा कर्नर सञ्चालन गर्ने सोमनाथ ढकाल, उनकी श्रीमती मञ्जु भनिने फूलमाया कार्की, होटल व्यवसायी युवाराज गिरी र पाँचथर घर भई बिर्तामोडमा डेरा गरेर ठेक्का व्यवसाय गर्ने मदन राई विरुद्ध पत्रकार पौडेलका जेठान छविलाल खतिवडाले गत चैत २५ गते प्रहरीमा किटानी जाहेरी हालेका थिए । प्रहरीले प्रतिवेदन सार्वजनिक गर्दै हत्यामा गिरी, कार्की र ढकाल मुख्य अभियुक्त रहेको जनाएको छ । प्रहरीले किटानी जाहेरी परेका राई भने फरार रहेको जनाएको छ । पक्राउ परेकी होटल सञ्चालिका कार्की तथा गिरीबीच डेढ वर्ष देखि सम्बन्ध रहेको र शारीरिक सम्पर्क समेत हुने गरेको कार्कीले प्रहरी समक्ष बयान दिएको प्रहरीको प्रतिवेदनमा उल्लेख छ । घट्नाका बारेमा थप अनुसन्धान भइरहेको समेत प्रहरीले जनाएको छ ।
जिल्ला प्रहरी कार्यालय झापाका प्रहरी उपरीक्षक तारिणीप्रसाद लम्सालका अनुसार लामो समय देखि चिनजान रहेका गिरीले राति १२.४० बजे पूर्वाञ्चल सेकुवा कर्नरको छतबाट खसालेर हत्या गरेका हुन् । शव परीक्षण प्रतिवेदनमा समेत शरीरका कुनै ठाँउमा धारिलो हतियार प्रयोग नभएको र फोक्सो तथा कलेजो फुटेको र दुई ओटा करङ् भाँचिएकोे प्रहरीले जनाएको छ ।
प्रहरीको प्रतिवेदनमा २१ गते राति ७ बजे तिर पौडेल तथा गिरी बिर्तामोड बसपार्क नजिकैको देउराली होटलमा पुगेर राति १० बजे सम्म बसेको र सो पछि बिर्तामोडस्थित जिल्ला ट्राफिक प्रहरी कार्यालयमा केहीबेर बसी घट्ना भएको पूर्वाञ्चल सेकुवा कर्नर तर्फ लागेको उल्लेख छ । राति ११ बजे तिर सेकुवा कर्नरबाट नैं पौडेलसँगै रहेका गिरी र मदन राई नामका व्यक्तिबीच २० मिनेट भनाभन भएको र सो पछि केही व्यक्तिहरु सहित राई सेकुवा कर्नरको बाहिर आएर होहल्ला गरेको प्रहरीले जनाएको छ । करिव १५ मिनेटको विवाद पछि ५÷६ जनाको संख्यामा आएका राई सहितको टोली फर्किको प्रहरी प्रतिवेदनमा उल्लेख छ । सो पछि पत्रकार पौडेलको हत्या भएको लम्सालले बताए ।
प्रतिवेदनले घट्नामा संलग्न अरुलाई उन्मुक्ति दिलाउने र दोषीलाई समेत न्यून कार्बाही गराउने प्रयास गरेको महासंघ झापा शाखाका अध्यक्ष गणेश पोखरेलले बताए । यस्तो प्रतिवेदनले घट्नाको सत्यता सार्वजानीक गर्न नसकेकाले निश्पक्षरुपमा घट्नाको पुन ः छानविन गरिनु पर्ने उनको माग छ ।
पत्रकार पौडेलको हत्या बारे छानविन गर्न नेपाल पत्रकार महासंघले गठन गरेको उच्च स्तरीय मिडीया मिशनका सदस्य समेत रहेका महासंघका केन्द्रीय सचिव जगत नेपालले हत्याको निश्पक्ष छानविन नभए र वास्तवीक दोषीमाथि कार्वाही नभए सम्म पत्रकारहरुको आन्दोलन नरोकिने बताए ।
सो अघि महासंघ झापा शाखा र प्रेस चौतारीको आयोजनामा बिर्तामोडमा भएको विरोध ¥याली पछि आयोजित कोणसभामा महासंघका केन्द्रीय सचिव जगत नेपाल, झापा शाखाका अध्यक्ष गणेश पोखरेल, प्रेस चौतारी नेपालका केन्द्रीय उपाध्यक्ष प्रकाश खतिवडा, केन्द्रीय सदस्य चेतन अधिकारी, प्रेस युनियनका केन्द्रीय सदस्य कृष्ण हुमागाँई क्रान्तिकारी पत्रकार संघ झापाका अध्यक्ष तारामणि सापकोटा लगायतका वक्ताले पत्रकारको आन्दोलनलाई कमजोर बनाउने गरी प्रहरीले प्रतिवेदन सार्वजनिक गरेको बताए ।
यस्तै झापाका उद्योगी व्यवसायी तथा राजनीतिक दलका नेताहरुले समेत पत्रकारहरुको आन्दोलनप्रति ऐक्यवद्धता जनाएका छन् । झापा उद्योग वाणिज्य संघका अध्यक्ष उमेश डालमिया, निर्माण व्यवसायी संघ झापाका अध्यक्ष गणेश बस्नेत, जिफन्ट मेचीका सचिव श्रीमननारायण पौडेलले घट्नाको निष्पक्ष छानविन हुन नसकेको बताए । नेकपा एमालेका अध्यक्ष रविन कोईरालाले भने प्रहरी–प्रशासन घट्नालाई कमजारे बनाउने प्रयत्नमा लागेको उल्लेख गरेका छन् । कार्यक्रममा अनेरास्ववियूका केन्द्रीय सदस्य अशेष घिमिरे, नेविसंघका जिल्ला सभापति नारायण गिरी लगायतले घट्नामा संलग्नहरुलाई अविलम्ब कार्बाही गरिनु पर्ने माग गरे ।
पत्रकार पौडेलको गत चैत २२ गते राति बिर्तामोडको बसपार्क नजिकै हत्या गरिएको थियो । उनी राजधानी दैनिक, एभिन्युज टेलीभिजन तथा झापाबाट प्रकाशन हुने मेची टाईम्स दैनिकमा आवद्ध थिए ।
आन्दोलनका थप कार्यक्रम
उच्च स्तरीय मिडिया मिशनका सदस्य, महासंघ झापा शाखा तथा झापाका अगुवा पत्रकारहरुको भेलाले आन्दोलनलाई थप सशक्त पार्ने निर्णय गर्दै आन्दोलनका थप कार्यक्रम तय गरेको छ ।
महासंघका केन्द्रीय सचिव जगत नेपाल, केन्द्रीय सदस्य तथा पूर्वाञ्चल संयोजक मोहनकाजी न्यौपाने, प्रेस चौतारीका केन्द्रीय उपाध्यक्ष प्रकाश खतिवडा, अनिजका केन्द्रीय उपाध्यक्ष दीपिन राई, प्रेस युनियनका केन्द्रीय सदस्य कृष्ण हुमागाँई, प्रेस चौतारीका केन्द्रीय सदस्य चेतन अधिकारी, जिल्ला अध्यक्ष गोपाल गड्तौला, क्रान्तिकारी पत्रकार संघ झापाका अध्यक्ष तारामणि सापकोटा, महासंघ जिल्ला शाखाका पदाधिकारी लगायतको भेलाले आन्दोलनलाई थप शसक्त पार्ने निर्णय गर्दै थप आन्दोलन घोषणा गरिएको हो ।
जस अनुसार बिहीबार गैह्रसरकारी संस्था महासंघसँग छलफल, अन्तरक्रिया तथा घट्नाको विरोधमा प्रदर्शन गर्ने, आगामी बैशाख २ गते झापाका सम्पादक, प्रकाशक तथा सञ्चारगृह सञ्चालकहरुसँग छलफल र अन्तरक्रिया गर्ने, बैशाख ३ गते पेशागत महासंघसँग छलफल र अन्तरक्रिया गर्ने, बैशाख ४ गते पौडेलेको १३ औं पुन्य तिथिका दिन रक्तदान कार्यक्रम गर्ने र बैशाख ५ गते जिल्लाका राजनीतिक दलहरुसँग छलफल र अन्तरक्रिया गर्ने कार्यक्रम रहेका छन् । त्यस्तै भेलाले पत्रकार पौडेलको हत्या भएको १३ औं दिन सम्म छापा सञ्चार माध्यम तथा टेलिभिजनहरुमा प्रकाशन÷प्रशारण गरिने गरेको प्रेस स्वतन्त्रताको पक्षमा तथा हत्याको विरोधको नारालाई निरन्तरता दिने समेत निर्णय गरेको छ ।
तस्विर ः वाँयाबाट क्रमश ः हत्याका आरोपी युवाराज गिरी, होटल सञ्चालीका मन्जू भनिने फूलमायाँ कार्की र होटल सञ्चालक सोम ढकाल ।
