काठमाडौं । राष्ट्रिय खेलकुद परिषद (राखेप) को सदस्य–सचिवमा केशव विष्ट बिहीबार नियुक्त भएका छन् । युवा तथा खेलकुद मन्त्री एवम् राष्ट्रिय खेलकुद परिषदका अध्यक्ष पुरुषोत्तम पौडेलले विष्टलाई नयाँ सदस्य–सचिव नियुक्त गरेका हुन् ।
एमालेका तर्फबाट मन्त्री बनेका पौडेलले आफ्नै पार्टीका विष्टलाई राष्ट्रिय खेलकुद विकास ऐन २०४८ अनुसार सदस्यमा बिहीबारै नियुक्त गरी सदस्य–सचिव बनाएका हुन् । मन्त्री पौडेलले राजेन्द्र श्रेष्ठ र समिउल्लाहलाई पनि राखेपको सदस्यमा नियुक्त गरेका छन् । विष्ट एमालेमा नेता माधवकुमार नेपाल निकट मानिन्छन् । जेठ २८ मा युवराज लामाको कार्यकाल सकिएपछि मन्त्री पौडेलले सकुन्तला नगरकोटीलाई निमित्त सदस्य–सचिवको जिम्मेवारी दिएका थिए ।
0 प्रतिकृया:
Post a Comment