डाँफे सहकारीको भ्रमण

दमक/दमकको डाफे बचत तथा ऋण सहकारी संस्थाको टोलीले मेचीदेखि महाकालीसम्मका बिभिन्न जिल्लाका सहकारीहरुको भ्रमण गरेको छ ।

टोलीले गत फागुन ६ गते देखि १३ गतेसम्म सहकारीहरुको स्थलगत भ्रमण गरेको हो । बचत तथा ऋणसँगै अब कृषि क्षेत्रमा पनि संस्थाले काम गर्ने उद्देश्यका साथ सदस्यहरुलाई अन्य जिल्लाका सहकारीहरुको भ्रमण गराएको संस्थाका अध्यक्ष सिताराम पोखरेलले जनाए । भ्रमणपछि उपयुक्त योजना बनाउने अध्यक्ष पोखरेलले बताए ।

थोरै समयमै राम्रै प्रगतितर्फउन्मुख भएको यो सहकारी आफ्नै तीन तले भवनमा संचालन भइरहेको छ । अध्यक्ष पोखरेलको नेतृत्वमा गएको टोलीले मोरङ, सप्तरी, सिराहा, चितवन, कपिलबस्तु, भैरहवा, पाल्पा, महाकाली लगायतका जिल्लाका डेढ दर्जन बढी कृषिसँग सम्बन्धित सहकारीहरुको स्थलगत भ्रमण गरेको छ ।

त्यस्तै टोलीले सप्तरीको माहुलीमा रहेको गाई, भैसी, बाख्रा पालन ब्यावसायमा लागेको कृषक र सहकारी, मोरङको कटहरीमा तरकारी खेती, रुपन्देहीको बुटवलमा बचत तथा ऋण सहकारी लगायतको भ्रमण गरेको छ । टोलीमा संस्थाका सञ्चालकहरु लिलानाथ खनाल, घनश्याम खनाल, लगायतका आधा दर्जन महिला सदस्य सहभागी थिए ।

Read More

मंगलबारे व्यवस्थित बनाइँदै

उर्लाबारी/मोरङको उर्लाबारी-६ स्थित मंगलबारे चौकलाई सफा र फराकिलो बनाउन सुरु गरिएको छ ।

स्थानीयबासीको अगुवाईमा पर्वपश्चिम राजमार्ग छेउमा रहेका खुद्रा पसलका रुपमा सञ्चालन हुँदै आएका टहराहरु हर्टाई चौकलाई ब्यवस्थित बनाउने कार्य सुरु गरिएको हो । राजमार्गको दुबैतर्फ८२ फिट भित्रका खाल्टाखुल्टी पुर्ने, चौकलाई सफा र फराकिलो बनाउन लागिएको स्थानीय प्रकाश थापाले बताए । चौकलाई ब्यवस्थित बनाउदा आसपासमा रहेका बोटबिरुवाहरुलाई काट्न नहुने स्थानीयबासीको राय रहेको छ ।

Read More

टेलिकममा आगलागी

दमक/आइतबार राति नेपाल टेलिकमको दमकस्थित कार्यालय परिसरमा आगलागी भएको छ ।

त्यहाँ राखिएका शरणार्थी मामिला सम्बन्धी राष्ट्र संघीय उच्च आयोग -युएनएचसीआर) ले उपयोग गर्दै आएका उपकरणमा लागेको आगोका कारण भएको क्षतिको विवरण प्राप्त भइनसकेको प्रहरीले जनाएको छ ।

इलाका प्रहरी कार्यालय दमकका अनुसार राति पौने ९ बजे एक्कासी पानी ब्याट्री पड्किएको आवाज आएपछि आगो सल्किएको थियो । आगोलाई दमक नगरपालिकाको वारुण यन्त्र र प्रहरीले निभाएका छन् ।

त्यसैगरी आइतबार साँझ देखि दमक-१ स्थित सुकुम्बासी बस्ती नजिकै रतुवा खोला बगरमा रहेको खरबारीमा आगलागी भइरहेको छ । आगो के कारणले सल्किएको भन्ने बारे सो क्षेत्रका बासिन्दाले समेत अनविज्ञता जनाएका छन् ।

इलाका प्रहरी कार्यालय दमकले समेत आगलागी बारे कुनै जानकारी नआएको जनाएको छ । यो समाचार तयार पार्दा सम्म आगो निभेको छैन ।

Read More

चन्द्रबहादुर डाँगी विश्वकै होचा

काठमाडौं/७२ बर्षीय नेपाली नागरिक चन्द्रबहादुर डाँगी बिश्वकै सबैभन्दा होचा ब्यक्ति भएको गिनिज बुक अफ वर्ल्ड रेकर्डले पुष्टी गरेको छ । योसँगै उनी बिश्वकै सबैभन्दा होचा जिवित बयस्कका रुपमा दरिएका छन् ।

उनको उचाई नाप्न आएको गिनिज बुक अफ वर्ल्ड रेकर्डसको टोलीले आइतबार चन्द्रबहादुरको उचाई ५४.५ सेन्टिमिटर अर्थात् २१.५ इन्च मात्र भएको प्रमाणित गरेको हो । लैनचौरको क्लिनिक ट्राभल मेडिकल सेन्टरमा २४ घण्टामा तीनपटकसम्म डाँगीको नाम लिइएको थियो । डाँगीको नाप लिन गिनिज बुक अफ वर्ल्ड रेकर्डसका प्रधान सम्पादक क्रेग ग्लिन्डेसहितको टोली काठमाडौं आइपुगेको थियो ।

नेपालका चन्द्रबहादुर डाँगी यसअघि यो किर्तिमान फिलिफिन्सका जुनेर वालापिङको नाममा रहेको थियो । चन्द्रबहादुर जुनेरभन्दा ५.३ सेमी होचा छन् । उनको उचाई ५९.९ सेमी अर्थात् २३.५ इन्च रहेको थियो । उनले गत जुनमा नेपालकै खगेन्द्र थापा मगरको नाममा रहेको होचा व्यक्तिको किर्तिमान खोसेका थिए ।

यो बुढ्यौलीमा बिश्व रेकर्ड कायम राख्न गिनिज बुकको सर्म्पर्कमा पुगेका चन्द्रले नयाँ रेकर्डबाट उनको स्वास्थ्यका लागि सहयोग पाउने गिनिज बुकले अपेक्षा गरेको छ । प्रधानसम्पादक ग्लिन्डेले भने-'गिनिज बुकको ५७ बर्षे इतिहासमा चन्द्र नै मापन गरिएका सबैभन्दा होचा ब्यक्ति हुन् ।'

७२ बर्षो उमेरसम्म गुमनाम रहेका चन्द्रबहादुर गिनिज बुकले दिएको प्रमाणपत्रसँगै चर्चामा आएका छन् । प्रमाणपत्र पाएपछि चन्द्र संचारकर्मी माझ निकै प्रफुलित देखिन्थे ।

'तरुनीहरुले मलाई उचालेरै घुमाउँथे'-चन्द्रले भने-'होंचो भएकाले बिहे गर्ने केटी नै पाइन ।' आफ्ना चार दाजुभाइ भन्दा निकै कम उचाई रहेका चन्द्रबहादुरले त्यही कारण उमेरमा बिबाह गर्न सकेनन् । अहिले त उनलाई बिवाह गर्ने रहर पनि छैन । चन्द्र भन्छन्-'७२ बर्ष भइसकियो, अब त के बिहे गर्नु ?'

Read More