विराटनगर/पूर्व राजा ज्ञानेन्द्र साहले मुलुकमा छिट्टै शान्ति स्थापना हुने कुरा बताएका छन् । सुनसरीको भादगाउँ सिनुवारी गाविसस्थित झुम्का बजारमा बिहीबारदेखि सुरु भएको भविष्य महापुराणको उद्घाटनका अवसरमा पूर्व राजा साहले बताए ।
डेढ घण्टा कार्यक्रम स्थलमा रहेका उनले कार्यक्रममा सम्बोधन नगरे पनि फर्किने बेलामा गाडी चढ्न लाग्दा सर्वसाधारणले मुलुकमा शान्ति कहिले आउँछ भन्ने प्रश्न गर्दा उनि छिट्टै मुलुकमा शान्ति आउने बताए । मुलुकमा छिट्टै शान्ति आउँछ भन्ने वाक्य भन्दै उनी सरासर गाडी चढेका थिए । ज्ञानेन्द्र दिउँसो १ बजे झुम्कास्थित कार्यक्रम स्थल पुगेका थिए ।
उनलाई स्थानीय सञ्चारकर्मीले केही बोलिदिनु प¥यो भन्दा आफूले पत्रकारहरुलाई डाकेरै कुरा राख्ने भन्दै पत्रकारहरुसित कुरा गर्न पन्छिएका थिए । कार्यक्रममा सप्तरीदेखि झापासम्मका पूर्व राजाका समर्थक ओइरिएका थिए । कार्यक्रम स्थलमा पूर्व राजा पुग्दा उनका समर्थकहरुले राजा, राजसंस्था र राजतन्त्रका पक्षमा नाराबाजी गर्दे राजनीतिक दलका नेताहरुका विरुद्धमा समेत नाराबाजी गरेका थिए ।
पूर्व राजा ज्ञानेन्द्र शाहले दीप प्रज्वलित गरी महापुराणको उद्घाटन गरे ।
0 प्रतिकृया:
Post a Comment