विपत न्युनिकरणका लागि जनचेतना

शिवगाज÷बढी आगलागीका घटना हुने क्रमसँगै विपत न्युनीकरणमा कि्रयाशील नेपाल रेडक्रस सोसाईटीले जनचेतना मुलक कार्यक्रम शुरु गरेको छ । सोसाइटीको शिवगाज उपशाखाले शनिबार आगलागीका विषयमा कृत्रिम अभ्यास मार्फत विपत न्युनिकरणका लागि जनचेतना बढाउने प्रयास गरेको हो ।
रेडक्रस उपशाखा शिवगाजको भवनमा भएको कृत्रिम अभ्यासमा ४० जना बढी सहभागी थिए । विपत जोखिम न्युनिकरण तथा आगलागी सम्बन्धी रेडक्रसको उपसमितिका सभापति गंगानन्द झाको सभापतित्वमा भएको सो कार्यक्रममा सोसाइटीका झापा शाखा सदस्य प्रकाशचन्द्र खरेल प्रमुख अतिथि रहेका थिए । कार्यक्रममा सोसाइटीको उपशाखा शिवगाजका संस्थापक अध्यक्ष पुण्यप्रसाद ढकाल सचिव भोलानाथ मैनाली लगायतले सम्भावित विपत टार्न सतर्कता र सचेतनामा जोड दिए ।
कार्यक्रममा तारिकादेवी कार्की तिवारी र रेडक्रसकी सामुदायिक कार्यकर्ता निर्मला गिरीले सहजीकरण गरेका थिए ।

Posted in: समाचार