मालपोतमा राप्रपा नेपालको ज्ञापन पत्र

दमक, ६ साउन/मालपोत कार्यालय दमकमा सेवाग्राहीले चर्को सास्ती खेप्नु परेको भन्दै सुधारका लागि राप्रपा नेपालले शुक्रबार ज्ञापन पत्र बुझाएको छ ।
संगठनका नगर अध्यक्ष थापाले सेवाग्राहीका गुनासा सम्बोधन गर्न विभिन्न मागहरू अघि सार्दै कार्यालयका प्रमुख डा. बच्चुराम कार्कीलाई त्यस्ता माग पत्र बुझाएका हुन् । ज्ञापनपत्र बुझाउन अध्यक्ष थापा सहित पार्टीका केन्द्रीय सदस्यहरूमा राम थापा, धनेन्द्र सुब्बा लगायत रहेका थिए । सो अवसरमा ज्ञापन पत्र बुझ्दै प्रमुख कार्कीले
 सेवाग्राहीका गुनासा हटाउन आफू क्रियाशील रहने प्रतिबद्धता जनाएका थिए । यस्तै पार्टीले नापी दमकमा समेत केही दिन अघि सेवा प्रणालीमा गुनासा आएको स्मरण गराउँदै तत्काल सुुधार गर्न ज्ञापन पत्र बुझाएका पार्टीका केन्द्रीय सदस्य थापाले जानकारी दिए ।

Read More

बन्दी रिहाइका लागि गुहार

दमक, ६ साउन/भुटानको जेलमा रहेका एकजना कैदीलाई रिहाइ गर्न आफन्तले विदेशबाटै पहल थालेका छन् ।
भुटानको चेम्गाङ जेलमा रहेका खगेन्द्र खनाललाई रिहागर्न अपिल गर्दै क्यानडामा पुनर्वासमा गएका आफन्तले अन्तराष्ट्रिय रेडक्रस मार्फत पहल गरेका हुन् ।
क्यानडामा रहेका मामा यादव न्यौपाने र दिदी दुर्गा भट्टराइले क्यानेडियन रेडक्रस मार्फत पहल थालेका हुन् । मामा यादवले रेडक्रस मार्फत जेलमा चिठी समेत पठाइएको टेलिफोनमा बताए ।
रेडक्रसले खनाललाई रिहा गर्न पहल समेत थालेको छ । उनी सन् २००८ मा पक्राउ परेका थिए ।

Read More

रतुवामा दैनिक विवाद

दमक, ६ साउन/मर्मत भइरहेको झापाको रतुवा पुलमा दैनिकजसो झगडा तथा विवाद हुन थालेको छ ।
त्यहाँको सुरक्षा र ट्राफिक व्यवस्थापन मिलाउन प्रहरीलाई समेत हम्मे–हम्मे भएको छ । एकतर्फी रुपमा यातायातका साधन सञ्चालन गर्नुपर्ने र एकैपटक सवारी साधनको लाम लाग्दा सुरक्षा व्यवस्थापनमा कठिनाई भएको प्रहरीले जनाएको छ । इलाका प्रहरी कार्यालय दमकका प्रहरी निरीक्षक हरि खतिवडाले रतुवा पुलमा ट्राफिक व्यवस्थापनमा कठिनाई भएको बताउँदै त्यहाँ हरहमेशा प्रहरी परिचालन गर्न जनशक्ति कम भएको जानकारी दिए ।
पुलमा केही समय पहिले ट्राफिक प्रहरीको मोबाईल लुटिएपछि दुई दिनसम्म सशस्त्र प्रहरी परिचालन गरिएको थियो । यातायात व्यवसायी र यात्रुबीच समेत पुल पार गर्ने विषयमा विवाद हुन थालेपछि थप कठिनाई भएको प्रहरीको भनाई छ । सडक कार्यालयले भने पुल मर्मतको काममा थप केही दिन लाग्ने स्पष्ट गरेको छ ।

Read More

मोरङमा वृक्षारोपण शुरू

उर्लाबारी, ६ साउन/मोरङमा जंगल अतिक्रमण गरी आवादी गरिएको करिव ५ हजार हेक्टर जमिनमा वन विस्तार गर्न योजनावद्ध वृक्षारोपण सुरु गरिएको छ ।
यस वर्ष एक सय हेक्टर बढी क्षेत्रफलमा वृक्षारोपण गर्ने जिल्ला वन कार्यालय मोरङको तयारी छ । जलवायू परिवर्तनको असरबाट बच्न र वातावरण संरक्षणका लागि सरकारले जंगल क्षेत्रलाई २९ प्रतिशतबाट बढाएर ४० प्रतिशत पु¥याउने लक्ष्य अनुसार मोरङमा यस वर्ष वृक्षारोपणलाई व्यापकता दिइएको हो । मोरङ उर्लावारी–४ स्थित सुनझोडा सामुदायिक वनमा अतिक्रमण भएको ८० हेक्टर जमिन मध्ये ४० हेक्टर अर्थात ६० विघा जमिनमा वन महोत्सव नै आयोजना गरी वृक्षारोपण भइरहेको छ ।     स्थानीय सामुदायिक वनको अग्रसरतामा जिल्ला वन कार्यालयले गत वर्ष ४० र यो वर्ष ४० गरी ८० हेक्टरमै वृक्षारोपण भएको छ । यस वर्ष मोरङमा करिव २ लाख नयाँ विरुवा रोप्ने तयारी गरेको जिल्ला वन कार्यालयले जनाएको छ । निजी वन र सरकारी वनमा नयाँ विरुवा रोपिने कार्यालयले जानकारी दिएको छ ।     जिल्ला वन कार्यालय मोरङले पहिलो चरणमा अतिक्रमण भएको तर वस्ती नबसेको जंगल क्षेत्रमा वन विस्तार योजना अघि बढाएको हो । सजिलोबाट अप्ठ्यारोमा जाने नीति अनुसार पहिलो चरणमा त्यस्ता स्थानमा वृक्षारोपण गर्ने जिल्ला वन अधिकृत श्रीप्रसाद बरालले जानकारी दिए ।
उनले दोस्रो चरणमा खेती लगाएका र साना झुपडी बनाएर बसेकाहरूलाई हटाउने र तेस्रो चरणमा
राजमार्ग र त्यस  परिपरि पक्की भवन बनाएर अतिक्रमण गरेकाहरूलाई हटाएर वन क्षेत्र विस्तार गर्ने योजना रहेको बताए ।
अधिकृत बरालले राजनीतिक दलहरूको सहयोग भएमा जिल्लामा भएको ५ हजार हेक्टर अर्थात करिव ८ हजार बिघा जमिनबाट दुई वर्ष भित्र अतिक्रमण हटाउने बताए ।
मोरङमा करिव ५५ ओटा वन समुदायलाई हस्तान्तरण गरिएको छ । मोरङको कूल ५५ हजार ५ सय हेक्टर वन क्षेत्र मध्ये ५ हजार हेक्टर भन्दा बढी अतिक्रमणमा परेको कार्यालयले जनाएको छ ।

Read More

प्रवेश शुल्क लिएको विरोधमा तालाबन्दी

दमक, ६ साउन/क्याम्पसले उच्च शिक्षाका लागि भर्नामा आउने विद्यार्थीहरूसँग प्रवेशका नाममा शुल्क उठाएको भन्दै शुक्रबार दमक बहुमुखी क्याम्पसमा अनेरास्ववियुले क्याम्पस प्रमुखको कार्यकक्षमा तालाबन्दी गरेको छ । प्रशासनले एकलौटी ढङ्गले विद्यार्थीहरूसँग प्रवेश परीक्षाको लागि भन्दै रकम असुली कार्य अघि बढाएपछि अनेरास्ववियुले सहमति पालनाको विरोधमा तालाबन्दी गरेका संगठनका दमक क्याम्पस इकाई अध्यक्ष सुमन बञ्जाराले जानकारी दिए । संगठनले सातादिन भित्र माग सुनुवाई नभए थप आन्दोलन गरिने चेतावनी दिएका छन् । प्रशासनले सहमति विपरित निर्णय गरेको विरोधमा गत असार २८ गते
 नै स्मरण पत्र बुझाए पनि सो बारे प्रशासन गम्भीर नबनेकाले समस्या समाधानका लागि पहिलो चरणमा क्याम्पस प्रमुखको कार्यकक्षमा अनिश्चितकालीन तालाबन्दी गरिएको संगठनद्वारा जारी विज्ञप्तिमा उल्लेख छ ।

Read More

२ हजार बढी व्यापारी कार्बाहीमा

विराटनगर, ६ साउन/अवैध रुपमा नापतौलको कारोबार गर्ने र समयमा नापतौल यन्त्रको नवीकरण्ँ नगराई उपभोक्ता ठगी गर्ने पूर्वाञ्चलका २ हजार २ सय ६७ औद्योगिक एवम् व्यवसायी प्रतिष्ठानलाई गुण्ँस्तर तथा नापतौल Ôेत्रीय कार्यालय विराटनगरले कार्बाही गरेको छ ।
कार्यालयका अनुसार आर्थिक वर्È २०६८÷६९ मा पूर्वाञ्चलको १६ जिल्लाका सहरी तथा बजार र ग्रामीण्ँ Ôेत्रमा गरिएको अनुगमनबाट नापतौलमा अनियमिमता देखिएपछि कार्बाही गरिएको हो । कारबाहीमा पर्नेहरूमा तरकारी व्यवसायी र किराना पसलदेखि ठूला उद्योग समेत रहेका छन् ।
कार्यालय प्रमुख शशिभूÈण्ँ यादवले सीमित स्रोत र साधनका बाबजुद विभिन्न स्थानमा टोली खटाई ४ हजार १ सय ५६ व्यवसायी तथा उद्योगीको नापतौल पुनः जा“च नवीकरण्ँ गरिएको जानकारी दिए ।
साथै कार्यालयले ६१ व्यवसायीलाई नापतौल सम्बन्धी नया“ जा“च इजाजतपत्र वितरण्ँ गरेको तथा १ हजार २ सय २३ व्यवसायीलाई नापतौल अनुमतिपत्र
प्रदान गरेको जनाएको छ । यसैगरी, यस वर्È पूर्वाञ्चलका २ सय १४ पेट्रोलपम्पको जा“च गरी अनुमतिपत्र नवीकरण्ँ गरिएको छ ।
ती कारोबारबाट कार्यालयलाई १६ लाख ६४ हजार २ सय रुपैया“ राजस्व सङ्कलन भएको कार्यालयले जनाएको छ ।

Read More

गएको वर्ष झापामा ७६ को मृत्यु

बिर्तामोड, ६ साउन/गएको वर्ष झापामा ७६ जनाको सडक दुर्घटनाका कारण ज्यान गएको छ । जिल्ला ट्राफिक कार्यालयका अनुसार गएको वर्ष ०६८÷०६९ मा जिल्लाका जिल्लाका विभिन्न क्षेत्रमा भएका २ सय १४ सडक दुर्घटनामा परी ७६ जनाको ज्यान गएको छ । गत वर्ष ०६७÷०६८ मा भने जिल्लामा २ सय २९ ओटा दुर्घटनामा ८२ जनाको ज्यान गएको थियो ।
जिल्ला कार्यालयका ट्राफिक प्रहरी हवल्दार याम खड्काका अनुसार गएको वर्षमा ४३ लाख रुपैयाँ बढी राजस्व संकलन गरेको छ । सो अवधिमा २७ हजार १ सय ९९ ओटा ट्राफिक नियम उल्लंघन गर्न सवारी साधनहरूलाई कारवाही गरी ४३ लाख ५५ हजार ७ सय ७५ रुपैयाँ राजस्व संकलन गरेको थियो । गत वर्ष ०६८÷०६९ को तुलनामा ६ लाख बढी राजस्व वृद्धि गरेको हवल्दार खड्काले जानकारी दिए । अघिल्लो वर्षमा २५ हजार ५ सय ७३ ओटा सवारी साधनलाई कारवाही गरी ३७ लाख ३ हजार ४ सय ७५ रुपैयाँ उठाएको थियो ।
हाल जिल्लामा जिल्ला ट्राफिक कार्यालय
 सहित ११ ओटा युनिट सञ्चालनमा छ । पछिल्लो पटक गौरादह, बुधबारे क्षेत्रमा अस्थायी ट्राफिक प्रहरी पोष्ट राखिएका छन् ।
यसैगरी, इलाममा अघिल्लो वर्षको तुलनामा आर्थिक वर्ष ०६८÷०६९ मा सवारी दुर्घटनामा परि मृत्यु हुनेको संख्या २७.२७ प्रतिशत घटेको छ ।
जिल्ला ट्राफिक प्रहरी कार्यालय इलामको तथ्याङ्क अनुसार आव ०६८÷०६९ मा ३९ दुर्घटनामा परि १६ जनाले ज्यान गुमाएका छन् । दुर्घटनामा १० जना पुरुÈ, ४ महिला र  २ बालबालिकाले ज्यान गुमाएका हुन् । अघिल्लो वर्ष विभिन्न ५१ दुर्घटनामा २२ जनाको मृत्यु भएको थियो । मृत्यु हुनेमा १८ जना पुरुÈ,  २ महिला र २ बालबालिका थिए ।
त्यसैगरी अघिल्लो वर्षको तुलनामा दुर्घटनामा परि गम्भीर घाइते हुनेको सङख्या घटेको छ । गत वर्ष ७५ जना गम्भीर घाइते भएकामा आव ०६८÷६९ मा २७ जना रहेको ट्राफिक प्रहरीको तथ्याङ्कमा उल्लेख छ । दुर्घटनामा २१ जना पुरुÈ र ६ महिला गम्भीर घाइते भएका हुन् ।
कार्यालयका अनुसार ट्राफिक नियम सम्बन्धी जनचेतना र ट्राफिक नियमलाई कडाईका साथ पालना गराएपछि दुर्घटनामा मृत्यु हुनेको संख्यामा कमी आएको हो ।
पछिल्लो समयमा मादक पदार्थ सेवन (मापसे) गरी सवारी चलाउनेलाई कार्बाही गर्न थालेपछि इलाममा यस्तो संख्या घट्न थालेको ट्राफिक प्रमुख डम्बरबहादर थापाले बताए ।
१७ गते सिगूलाई उनको पञ्चमी–६ को घरबाट एक थान कटुवा पेस्तोल, एक राउण्ड गोली, धनुÈका“ण्ँ र तीर सहित पक्राउ गरेको थियो । जिल्ला प्रशासनको आदेशले थुनामा रहेका उनले भूमिगत समूहको नाममा विभिन्न व्यक्तिलाई धम्क्याएर चन्दा उठाउने गरेका थिए ।

Read More

पहिरोले दुई घर विस्थापित

ताप्लेजुङ, ६ साउन/ताप्लेजुङ बिहीबार राति गएको पहिरोले ताप्लेजुङको मेहेले गाविस–९ का दुई परिवार विस्थापित भएका छन् । घरमाथिबाट झरेको पहिरोले बीरबहादुर राई र भीमकुमार राईको परिवार विस्थापित भएका हुन् । उनीहरू छिमेकीकोमा शरण्ँ लिएर बसेको स्थानीय दिपेन्द्र कडरियाले बताएका छन् ।

Read More

करेन्ट लागेर मृत्यु

उर्लाबारी,६ साउन/करेन्ट लागेर शुक्रबार अपरान्ह मोरङको बयरवन–८ का ३० वर्षीय डम्बर श्रेष्ठको मृत्युु भएको छ ।
विद्युतको नाङ्गो तारबाट फ्याक्सिबल तार जोडेर स्थानीय दही खोलामा करेन्ट लाएर माछा मार्ने क्रममा अपरान्ह २ बजे श्रेष्ठको मृत्युु भएको स्थानीय पूर्ण बोहोराले जानकारी दिए ।

Read More

विपी स्मृति दिवस मनाइ“दै

दमक,६ साउन/तिसौं बिपी स्मृति दिवशको सन्दर्भ पारेर नेपाली कांग्रेस दमक नगर समितिले नगरका सबै १९ वटा वडामा कार्यक्रम गर्ने तय गरेको छ ।
नगरसभापति ढुण्डीराज भण्डारीका अनुसार भोलि वडा नम्बर १५ मा वडा पार्टी कार्यालय उद्घाटन हुने छ ।
यसैगरी अन्य वडा पार्टी कार्यालयले पनि
 स्मृति दिवश तथा अन्य कार्यक्रम हुने तय भएको छ । वडा नम्बर ८, १४, १८ र १९ मा बाहेक अन्य वडाहरूमा वडा पार्टी कार्यालय स्थापना भइसकेको पार्टीले जनाएको छ ।

Read More