दमक । जिल्ला प्रहरी कार्यालय झापाका प्रहरी प्रवक्ता विश्वमणी पोखरेलले प्रहरीले नागरिकलाई शिष्ट ब्यवहार गर्नुपर्ने बताएका छन् । इलाका प्रहरी कार्यालय दमक मातहतका सहभागी युनिट इन्चार्जहरुलाई सभ्य ब्यवहार गरेर नागरिकले प्रहरी प्रति हेर्ने दृष्टिकोण बदल्न पोखरेलले निर्देशन दिएका हुन् । डिएपी पोखरेलले प्रहरी कार्यालयमा सेवा लिन आउने नागरिक शुरुमा गेटमा ड्युटी बसेको प्रहरीसंग ठोकिने हुँदा उसको नम्र बोली सरल ब्यवहार गर्नुपर्ने बताए । बिहीबार दमकमा भएको प्रहरी अनुशिक्षण कार्यक्रममा उनले सिकेका कुरा प्रहरी जवानसम्म पुराउन अनुरोध गदै साता दिनपछि नागरिकले प्रहरीको ब्यवहारमा सुधार आएको महसुस दिलाउन निर्देशन समेत दिए । कार्यक्रममा इलाका प्रहरी कार्यालय दमक, इलाका ट्राफिक प्रहरी कार्यालय दमक, प्रहरी चौकी केर्खा , लगायतका १५ युनिटका इन्चार्ज तथा प्रतिनिधि सहभागी थिए ।
0 प्रतिकृया:
Post a Comment