दमक । दमक नगरपालिकाले सार्वजानिक गरेको सरसफाई शुल्कको बिरोध भएपछि दररेटलाई परिमार्जन गर्नका लागि संयुक्त कार्यदल बनाउने सहमति भएको छ । सोमवार नगरपालिका र दमक उद्योग बाणिज्य संघका प्रतिनिधीहरुबीच भएको छलफलमा सरसफाई शुल्क परिमार्जनका लागि सुझाव लिने सहमति भएको हो । नगरपालिकाले फोहोर संकलन तथा ब्यवस्थापनको कार्य गर्न सार्वजनिक निजी साझेदारीमा पाथवे नेपाल प्रालि जेभीलाई दिएपछि गत आइतवार सुचना प्रकाशन गरी सरसफाई गर्दा नगरबासी र ब्यावसायीले दिने शुल्कको दररेट सार्वजानिक गरेको थियो । नगरपालिकाका कार्यकारी अधिकृत युवराज दाहाल , संघका कार्यवाहक अध्यक्ष गोकुल श्रेष्ठ नेतृत्वको कार्यसमितिको टोली बिच भएको छलफलमा संघ सहितको प्रतिनिधि रहेको कार्यदल बनाएर १० दिन भित्र ब्यवसायीबाट सुझाव लिने सहभागी द्धितिय उपाध्यक्ष गोपाल गुरागाईले बताए । त्यस टोलीले दिएको प्रतिवेदनको बिषयमा अध्ययन गरी शुल्क निर्धारण गर्ने गुरागाईले बताए । नगरपालिकाको सुचना अनुसार न्यनतम १ सय देखि बढीमा ३ हजार रुपैयाँ शुल्क लिइने छ । त्यो शुल्क बढी भएको भन्दै एमाले निकटको नेपाल राष्ट्रिय बाणिज्य संघ दमकले पनि बिरोध गरेको थियो । नगरपालिकासंग भएको सहमतिपछि संघले त्यसबारे छलफल गर्न मंगलबार बिहान ब्यावसायीहरुलाई बोलाएको छ । संघले सोमबार सुचना गरी फोहोर ब्यवस्थापन शुल्कबारे मंगलबार बिहान संघ मातहतका बस्तुगत संघका प्रतिनिधी र संघका सदस्य तथा सल्लाहकारहरुलाई बोलाएको हो ।
0 प्रतिकृया:
Post a Comment