दुर्घटनामा चौरासी जनाको मृत्यु

विराटनगर/  मोरङ जिल्लामा गत आर्थिक वर्षमा सडक दुर्घटनामा परी ८४ जनाको मृत्युभएको छ ।
जिल्ला ट्राफिक कार्यालय मोरङका अनुसार आव २०७०÷७१ मा ४३१ वटा सवारी दुर्घटनामा परी ८४ जनाको मृत्यु भएको हो ।
मोटरसाइकलको दुर्घटनामा परी सबैभन्दा बढी मृत्यु भएको प्रहरी निरीक्षक खेमबहादुर केसीले बताए ।
मोरङको ग्रामीण क्षेत्रमा अधिकांश ग्राभेल सडकमा सवारी सञ्चालन, ट्राफिक नियम उल्लङ्घन एवम् अत्यधिक गतिमा सवारी सञ्चालन गर्ने कारण दुर्घटना बढी हुने गरेको प्रहरीले जनाएको छ ।
यसैगरी इलामको दक्षिणी दानाबारी–८ स्थित हिलेखोलामा भएको ट्याक्टर दुर्घटनामा इलाम,इरौँटार–३ का २७ वर्षीय जीवन मगरको मृत्यु भएको छ ।  दानाबारी बजारतर्फ दाउरा ल्याउँदै गरेको मे १ त २२८२ नम्बरको ट्याक्टर पल्टिँदा मगरको मृत्यु भएको हो ।

Posted in: समाचार