जनआदर्श मा चुनावी माहौल

शिवगाज÷शिवगाजस्थित जनआदर्श उच्च माविको व्यवस्थापन समितिको निर्वाचनले यतिबेला सो क्षेत्रमा राजनीतिक तरङ्ग बढाएको छ । एकीकृत नेकपा माओवादी नेपाली कांग्रेस र नेकपा एमाले मधेसवादी दलहरुसँगै अन्य साना तथा क्षेत्रीय पार्टीहरु समेत आ-आफ्नो पक्षको जित गराउन जुटेका छन् ।
आगामी पुष ७ गते हुने सो निर्वाचनका लागि मुख्य अध्यक्ष पदमा भीमप्रसाद ताजपुरिया राजनारायण राजवंशी पर्शुराम ताजपुरिया बद्री खनाल र अमृत कटुवालले प्रतिस्पर्धाको टुङ्गो गरेका छन् । त्यसैगरि १ जना महिला सदस्यका लागि २ जना उम्मेद्वार चुनावी मैदान छन् । तारिका कार्की र गोमा अधिकारी सो का लागि प्रतिस्पर्धामा छन् ।
त्यसैगरि २ जना सदस्यका लागि ९ जना चुनावी मैदानमा छन् । श्रवणलाल राजवंशी सूर्य राजवंशी फागुलाल ताजपुरिया जगतवीर लिम्बू टिकाराम सिटौला पल्टन ताजपुरिया रतनलाल शाह तानबहादुर आङ्देम्बे र लयप्रसाद चुँडाल चुनावी मैदानमा उत्रिएका सो उच्च माविका प्राचार्य टङ्क खरेलले जानकारी दिए ।

Posted in: समाचार