धनकुटा१४ माघ÷ ÷ नेकपा एमालेका नेता रकम चेम्जोङ्ले प्रेस स्वतन्त्रता बिनाको लोकतन्त्र अपूर्ण हुने बताएका छन् ।
शनिबार धनकुटामा भएको पे्रेस चौतारी सम्बद्ध महिला पत्रकारहरुको पूर्वााचल क्षेत्रीय भेलालाई सम्बोधन गर्दै पूर्व शान्ति मन्त्री समेत रहेका उनले आफ्नो पार्टी पूर्ण प्रेस स्वतन्त्रता प्रति पूर्ण प्रतिवद्ध रहेको बताए । कार्यक्रममा चौतारीका केन्द्रिय अध्यक्ष गगन विष्टले अहिलेको सरकारले बिभिन्न बिषयबस्तुको सुचना सार्वजानीक गर्न नमिल्ने भन्दै प्रेस स्वतन्त्रतामा अंकुश लगाउने प्रयास गरि रहेको बताए । यस्तै चौतारीका महासचिव बिष्णु रिजालले अहिले पनि नेपाली पत्रकारहरुले पूर्ण स्वतन्त्रताको महसुस गर्न नपाएको बताए ।
भेलाले बिमला राईको अध्यक्षतामा २१ सदस्यिय प्रेश चौतारी क्षेत्रीय महिला समिति गठन गरेको छ । समितिको सदस्य सचिवमा देवकला कार्की रहेका छन् । समितिमा झापाबाट भीमा शिवाकोटी र अम्बिका भण्डारी ईलामबाट कोपिला बस्नेत र वन्दना अधिकारी मोरङ्बाट ईन्दिरा भट्टराई तथा सुनसरीबाट निलिफा सुब्बा र सीता मादेम्बा सदस्य रहेका छन् । समिति महिला पत्रकारहरुको क्षमता विकास तथा व्यवासायीक हकहितमा कि्रयाशिल हुने चौतारीका केन्द्रिय सदस्य चेतन अधिकारीले बताए ।
0 प्रतिकृया:
Post a Comment