दमक/दमकको डाफे बचत तथा ऋण सहकारी संस्थाको टोलीले मेचीदेखि महाकालीसम्मका बिभिन्न जिल्लाका सहकारीहरुको भ्रमण गरेको छ ।
टोलीले गत फागुन ६ गते देखि १३ गतेसम्म सहकारीहरुको स्थलगत भ्रमण गरेको हो । बचत तथा ऋणसँगै अब कृषि क्षेत्रमा पनि संस्थाले काम गर्ने उद्देश्यका साथ सदस्यहरुलाई अन्य जिल्लाका सहकारीहरुको भ्रमण गराएको संस्थाका अध्यक्ष सिताराम पोखरेलले जनाए । भ्रमणपछि उपयुक्त योजना बनाउने अध्यक्ष पोखरेलले बताए ।
थोरै समयमै राम्रै प्रगतितर्फउन्मुख भएको यो सहकारी आफ्नै तीन तले भवनमा संचालन भइरहेको छ । अध्यक्ष पोखरेलको नेतृत्वमा गएको टोलीले मोरङ, सप्तरी, सिराहा, चितवन, कपिलबस्तु, भैरहवा, पाल्पा, महाकाली लगायतका जिल्लाका डेढ दर्जन बढी कृषिसँग सम्बन्धित सहकारीहरुको स्थलगत भ्रमण गरेको छ ।
त्यस्तै टोलीले सप्तरीको माहुलीमा रहेको गाई, भैसी, बाख्रा पालन ब्यावसायमा लागेको कृषक र सहकारी, मोरङको कटहरीमा तरकारी खेती, रुपन्देहीको बुटवलमा बचत तथा ऋण सहकारी लगायतको भ्रमण गरेको छ । टोलीमा संस्थाका सञ्चालकहरु लिलानाथ खनाल, घनश्याम खनाल, लगायतका आधा दर्जन महिला सदस्य सहभागी थिए ।
0 प्रतिकृया:
Post a Comment