दमकमा फेवाको सेवा

दमक/फेवा फाईनान्सले सोमबारबाट झापाको दमकमासेवा शुरु गरेको छ ।
फाईनान्सको ११ औ शाखाको रुपमा प्रमुख कार्यकारी अधिकृत रेशमबहादुर थापाले शाखा कार्यालयको उद्घाटन गरेका हुन् । सोमबारबाट नैं पाटन, तम्घास र बुटवलमा समेत शाखा उद्घाटन गरिएको उनले जानकारी दिए ।

दमकमा शाखा उद्घाटन गर्दै प्रमुख कार्यकारी अधिकृत थापा

प्रधान कार्यालय पोखरामा रहेको फाइनान्सले बिभिन्न प्रकारका बचत, रेमिट्यान्स लगायतका सेवाहरु उपलब्ध गराउने गरेको जनाइएको छ । फाइनान्सले स्थानीय बचतलाई स्थानीय क्षेत्रमानैं लगानी गर्ने नीति लिएको प्रमुख कार्यकारी अधिकृत थापाले बताए । उनका अनुसार २०६० सालमा स्थापित फेवा फाइनान्समा हाल कूल २ अर्ब २० करोड रुपैयाँ निक्षेप रहेको छ ।
त्यस्तै १ अर्ब ९० करोड रुपैयाँ कर्जा लगानी गरेको छ । फाइनान्सका दमक शाखा प्रबन्धक विश्वराज अधिकारीले स्थानीय उद्यमी व्यवसायीहरुसँगको सहकार्यमा आफ्ना गतिविधि सञ्चालन गर्ने बताए ।

Posted in: समाचार