दुर्घटनामा र डुबेर मृत्यु

गौरादह÷ पूर्वपश्चिम राजमार्ग अन्तर्गतको झापाको तोपगाछी स्थित सीतापुरी सडक खण्डमा बिहिबार भएको सवारी दुर्घटनामा एक जनाको मृत्यु भएको छ ।
दुर्घटनामा सख्त घाईते भएका झापा धरमपुर-२ का ३८ वर्षिय घनेन्द्रप्रसाद न्यौपानेको उपचारका क्रममा मृत्यु भएको हो । अपह्रान्ह साढे २ बजे तिर मे।४प ३१२० नम्बरको मोटरसाईकलमा सवार उनलाई को।१ ख ३१११ नम्बरको मिनीट्रकले ठक्कर दिएको ईलाका प्रहरी कार्यालय दमकले जनाएको छ । उनको उपचारका क्रममा बिराटनगर स्थित न्युरो अस्पतालमा साँझ मृत्यु भएको हो । उनीसँगै मोटरसाईकलको पछाडी सवार धरमपुर-३ का अमृत नेम्वाङ र वडा नम्बर-२ का चतुरबहादुर नेम्वाङ् गम्भिर घाईते भएका छन् । उनीहरुको न्युरो अस्पतालमा उपचार भई रहेको प्रहरीले जनाएको छ । ट्रक र चालकलाई प्रहरीले नियन्त्रणमा लिएको छ ।
यस्तै ´ापाको जुरोपानी-१ को भुँडेसिमलमा बिहिबार घर नजिकैको पोखरीमा डुेबेर एक बालकको मृत्यु भएको छ । घर नजिकैको पटुवा खाडीमा डुवेर बिहान १० बजे तिर स्थानीय सुशील ताजपुरीयाका २ बर्षिय छोरा कुलबहादुरको बिहान मृत्यु भएको ईलाका
प्रहरी कार्यालय गौरीगाजले जनाएको छ । मृतकको शव परीक्षणका लागि मोरङ्को उर्लाबारी स्थित प्राथमिक स्वास्थ्य केन्द्र लगिएको छ ।

Posted in: समाचार