काठमाडौं । पूर्वप्रधानमन्त्री तथा एमाओवादीका नेता डा. बाबुराम भट्टराईले असार मसान्तभित्र संविधानसभाबाट नयाँ संविधान जारी हुने बताएका छन् ।
आफ्नो गुहजिल्ला गोरखा सदरमुकाममा विहीबार पत्रकारसँग कुराकानी गर्दै नेता भट्टराईले भने, ‘प्रमुख राजनीतिक दलहरूबीच संविधान निर्माणको विषयमा सहमति जुटेकाले धमाधम संविधान लेखनको काम अघि बढेको छ । छुटेका विषयहरू राजनीतिक तहमै सुल्झाउने हो ।’उनले भने ‘मस्यौदा समितिले टुङ्ग्याउने भन्ने होइन ।’
आन्दोलनकारी शक्तिहरूबीच संविधान निर्माण गर्ने सहमति भएकाले नयाँ संविधान जारी हुने उनले प्रतिबद्धता जनाए । हल्लाको भरमा जनता लाग्न नहुने भन्दै उनले यसअघि दलहरूबीच भएको धर्म्निरपेक्षता जस्ता ठूला विषय अब परिवर्तन नहुने उल्लेख गरे ।
शक्ति बाँडफाँडमा दलहरूबीच सहमति नभएको बताउँदै उनले राष्ट्रपतिको ठाउँमा राष्ट्रप्रमुख राख्दा पनि खासै फरक नपर्ने धारणा राखे । ‘संबिधान जारी गरेर प्रधानमन्त्रीले छोड्छु भन्नुभएको छ’ उनले भने, ‘साउनमा राष्ट्रिय सरकार गठन हुन्छ ।’
0 प्रतिकृया:
Post a Comment