दुधे । झापाको शिवसतासीस्थित राष्ट्रिय रमणीय आदर्श उच्च माध्यमिक विद्यालय दूधेका विद्यार्थीहरुले जातीय विभेद र दाइजो प्रथा विरुद्धको नाटक विद्यालयमा प्रस्तुत गरेका छन् ।
सामाजिक शिक्षाको विषयगत शिक्षणका क्रममा कक्षा ८ का विद्यार्थीहरुले जातीय विभेद र दाइजोका कारणले धेरै महिलाहरु घरेलु हिंसाको सिकार बन्नु परिरहेको कुरालाई नाटकको रुपमा प्रस्तुत गरेका छन् । नाटकबाट सामाजिक समस्या र त्यसको समाधानको उपाय खोजिएको विषय शिक्षक गोविन्द काफ्लेले जनाए ।
पाठका आधारमा विद्यार्थीहरुलाई दाइजो प्रथा, भ्रष्टचार, विदेश पलायन र लागु पदार्थ दूव्र्यसन गरी ४ भागमा विभाजन गरेका छन् । विद्यालयमा रहेको ५ सदनलाई ४ समूहमा विभाजन गरी सो नाटक प्रस्तुत गरिएको छ । दाइजोका कारण हुने घरेलु हिंसालाई कसरी न्यूनीकरण गर्ने, गाउँ समाजमा त्यस्ता घटना हुन नदिन विद्यार्थीहरुले समाजमा खेल्नु पर्ने भूमिका नाटकीय ढंगबाट प्रस्तुत गरिएको थियो ।
विद्यार्थीहरुलाई पाठको आधारमा विषय बस्तुलाई यसरी नाटकीय ढंगबाट प्रस्तुत गराउँदा उनीहरुको सिकाई बढी रुचीपूर्ण, प्रभावकारी, उद्देश्यपूर्ण र विद्यार्थीहरुलाई बुभ्mन सजिलो हुने शिक्षक श्रीप्रसाद खरेलले बताए ।
नाटकमा विद्यार्थीहरु जीवन उप्रेती, सपना लिम्बु, सिमसन राई, नेहा साँवा, कुशल नेपाल, तोया कटुवाल, सन्तोष श्रेष्ठ, विजय उप्रेती, सृष्टि तामाङ्ग, छुनु लक्सम, विनिता मिश्र, सुनिल देवान, अभिषेक राई लगायतले अभिनय गरेका छन् ।
0 प्रतिकृया:
Post a Comment