दमक । काठमाडौंका शैक्षिक परामर्श दिने संस्था रेञ्ज कन्सल्टेन्सीले दमकमा लगाएको शैक्षिक मेला विभिन्न ३ विद्यार्थी संगठनको टोलीले बिहिबार बन्द गराएको छ ।
अखिल क्रान्तिकारीको तर्फबाट बिपिन बस्नेत अग्रगामी विद्यार्थी युनियनका मनकुमार लिम्बु र राप्रवि संघका भरत दुलाल सहितको टोलीले दमकमा लाग्दै गरेको शैक्षिक मेला बन्द गराएका हुन् ।
विद्यार्थीलाई राम्रा राम्रा कलेजको आश्वासन देखाएर ठगी गर्ने प्रविधि बढेको भन्दै मेला बन्द गरिएको अखिल क्रान्तिकारीका जिल्ला सचिवालय सदस्य बिपिन बस्नेतले बताए ।
पछिल्लो समय झापाका बिभिन्न स्थानमा शैक्षिक परामर्श केन्द्रले भारतका बिभिन्न स्थानमा रहेका कलेजको विज्ञापन गर्न यस्ता मेला लगाउने गरेका छन् । संयुक्त विद्यार्थी संगठनले ठगीका बिषयमा पटक पटक सम्बन्धित निकायमा ध्यानाकर्षण गराउँदा पनि चासो नदिएको भन्दै मेला बन्द गर्न बाध्य भएको राप्रवि संघका भरत दुलालले बताए ।
‘यस्ता संस्थाले विद्यर्थीको भविष्य अन्योलमा पारेको छ कि त विद्यार्थीको त्यहाँ गइ पढेर नआएसम्मको जिम्मा लिनु पर्छ, होइन भने भ्रमात्मक प्रचार गर्न पाइदैन’।– क्रान्तिकारीका बस्नेतल भने ।
0 प्रतिकृया:
Post a Comment