दमक । दमक ११ की पाठेघर क्यान्सर पीडित राधादेवी शाहको उपचारका लागि दमक स्थित दमक युथ क्लब र महिला सशक्तिकरण केन्द्र नेपालले ४३ हजार ३७ रुपयाँ सहयोग गरेका छन् ।
विहिबार दमकमा पत्रकार सम्मेल गरी सो रकम पीडित राधाका श्रीमान कनैयाप्रसाद शाहलाई हस्तान्तरण गरिएको हो । दमक युथ क्लब र महिला सशक्तिकरण केन्द्र नेपाललले संयुक्तरुपमा १६ हजार ३ सय ११ रुपयाँ र महिला सशक्तिकरण केन्द्रले २६ हजार ७ सय २६ गरी जम्मा
४३ हजार ३७ रुपयाँ सहयोग गरेको महिला सशक्तिकरण केन्द्र नेपाललकी सचिव सुमित्रा वाङ्देल चेलीले बताइन् ।
शाहलाई १ महिना अघि भरतपुर क्यान्सर अस्पतालमा उपचारका लागि लगिएको भएपनि पैसा अभावका कारण फेरि घर फर्काइएको थियो । सो कुरा थाहा पाए पछि आफुहरु सहयोग गरेको दमक युथ क्लबका सचिव पारस आचार्यले बताए । शाहले अहिले ठेलामा फलफुल पसल सञ्चालन गरी पाँच जनाको परिवार चलाउदैछन् । आफ्नो आर्थिक अवस्था कमजोर भएका कारण श्रीमतीको उपचार गर्न नसकेको बेलामा उनको जीवन रक्षामा सहयोग गरेकोमा कनैयाले खुसी व्यक्त गरेका छन् ।
0 प्रतिकृया:
Post a Comment