अवैध हतियार बुझाउन प्रहरीको आग्रह

दमक/बिना इजाजत राखीएका हात हतियार तथा खरखजाना बुझाउन प्रहरीले आग्रह गरेको छ ।  कुनै पनि व्यक्तिलाई थाहा नभएर वा कसैको लहै–लहैमा लागेर बिना इज्जजत राखेका हात हतियार  भए नजिकैको प्रहरी कार्यालयमा बुझाउन आग्रह गरिएको हो । सरकारले त्यस्ता हात हतियार साउन मसान्त सम्म बुझाउन पनि अपिल गरेको छ ।
इलाका प्रहरी कार्यालय दमकका डिएसपी रवि कुमार पौडेलले अवैध हतियारहरु जिल्ला प्रशासन कार्यालय झापा, जिल्ला प्रहरी कार्यालय , नजिकका प्रहरी इकाइमा बुझाउन सकिने बताएका छन ।
साउन मसान्त सम्मको अवधिमा नबुझाएको अवैध हात हतियार फेला परेमा प्रचलित कानुन बमोजिम त्यस्ता ब्यक्तिलाई ५ वर्ष सम्म कैद वा १ लाख रुपैया सम्म जरिवाना अथवा दुवै सजाय हुने डिएसपी  पौडेलले जानकारी दिए ।  बिना हेल्मेट , तीन जना सवार र मापासे गरेर सवारी चलाउनेलाई कारवाही गरेकाले घटना थोरै भएको उनले बताए ।

Posted in: समाचार