दमक । प्रधानमन्त्री शुशील कोइरालाले निर्माणाधिन दमक चिसोपानी रवि सडक निर्माणमा सक्दो सहयोग गर्ने आश्वसन दिएका छन् । प्रधानमन्त्री कोइरालाले लामो समयसम्म सडक निर्माण हुन नसकेकोमा दुःख ब्यक्त गर्दै आउदो बर्ष बहुबर्षिय योजनामा पार्ने आश्वासन दिए ।
दमक चिसोपानी रबि सडक निर्माण उपभोक्ता समितिको टोलीलाई मंगलबार भेट गर्दै उनले आफू सडक निर्माणप्रति आफु गम्भिर रहेको भन्दै आगामी बर्ष बहुबर्षिय योजनामा पार्ने आश्वासन दिए । कोइरालाले सबै विभागहरु, राष्ट्रिय योजना आयोगका उपाध्यक्ष, सडक डिभिजन लगायतको निकायहरुसँग सम्पर्क गरी बाटोलाई आगामी बर्ष कुनै पनि हालतमा बुहबर्षीय योजनामा पार्न निर्देशन दिएको समितिका अध्यक्ष रेवतराज पुरीले जानकारी दिए ।
त्यस अवसरमा अध्यक्ष पुरीले सडकबाट करिब १५ लाख जनताहरु प्रत्यक्ष लाभान्वित हुने, ४७ किलोमिटर रहेता पनि मेची अञ्चलको सबै जिल्लालाई छुने बाटो भएको हुँदा प्राथमिकता नं. १ मा पारिदिन आग्रह गरेका थिए ।
उनले भारतको फत्तेपुर हुँदै झापाको गौरीगञ्ज र चीनको घाङ्लासम्म जोड्ने भएकोले विशेष गरी झापा, पाँचथर,
इलामको ३३ वटा गाविस, एक नगरपालिका, विभिन्न धार्मिक पर्यटकीय स्थलहरु, किरात धर्मको प्रमुख धार्मिकस्थल लारुम्बा, माङ्सेबुङ् लगायत ठाउँहरुहरु सो बाटोमा पर्ने भएको हुँदा सो सडकलाई बहुबर्षीय परियोजनामा पारिदिन आग्रह गरेका थिए । सोही भेटको क्रममा ताप्लेजुङ्मा गएको पहिरोले पिडीतहरुलाई गास, बास र कपासमा सरकारको पुर्याउन पनि सहभागी सभासदहरुले आग्रह गरेका छन् ।
टोलीमा झापा, इलाम र पाँचथर जिल्लाका सभासदहरु केशवकुमार बुढाथोकी, भिष्मराज आङ्देम्बे, दिपक कार्की, श्रीप्रसाद जवेगु, राम कार्की, मोहन टुडु सहभागी थिए । त्यसैगरी समितिका पूर्व उपाध्यक्ष लोकबहादुर धिमाल, वर्तमान उपाध्यक्ष विनोद नेम्वाङ्, सचिव दिल कुमार लावती, महिला सचिव लिलादेवी दाहाल, सदस्यहरु केन्द्र प्रसाई अन्य दलीय प्रतिनिधिहरु झलकसिंह दर्लामी, धर्मशीला चापागाई, हरि भण्डारी, रुद्र गौतम, सिताराम अधिकारी, सिपी कडरिया, नगेन्द्र भटट्राई, दिपक दुलाल, दिपक खतिवडा, दमक काठमाण्डौं सरोकार मञ्चका गोपाल चुडाल, विष्णुमाया साम्पाङ, अविनास तामाङ, विरेन्द्र बस्नेत लगायतका प्रतिनिधिहरुले प्रधानमन्त्रीलाई भेट गरेका थिए ।
यसअघि टोलीले आइतबार र सोमबार एमाले अध्यक्ष रोमनाथ ओली, कांग्रेस महामन्त्री कृष्ण प्रसाद सिटौला, एमाओबादी अध्यक्ष पुष्पकमल दाहाल, बरिष्ट नेता डा. बाबुराम भट्टराई, सभाध्यक्ष सुबास नेम्बाङ, राष्ट्रिय योजना आयोगका उपाध्यक्ष डा. गोबिन्द पोखरेल लगायतका दलका नेताहरुसंग भेटेर सडक निर्माणका लागि सहयोग गरिदिन आग्रह गरेको थियो ।
0 प्रतिकृया:
Post a Comment