दमक । ज्येष्ठ नागरिकहरुलाई सोमवार दमकमा सम्मान गरिएको छ । ज्येष्ठ नागरिक जिल्ला संघ झापा तथा दमक नगरपालिकाको संयुक्त आयोजनामा ज्येष्ठ नागरिकहरुलाई सम्मान गरेको हो । दमक ११ स्थित जनमुखी सहकारी संस्थाको सभाहलमा भएको कार्यक्रममा ७० वर्ष माथिका ७ जना ज्येष्ठ सामाजिक अगुवाहरुलाई सम्मान गरेको छ । इलाका प्रशासन कार्यालय दमकका कार्यलय प्रमुख वासु कोईरालाको प्रमुख आतिथ्यमा कार्यक्रममा ज्येष्ठ नागरिकहरुलाई दोसल्ला ओढाएर तथा प्रमाण पत्र दिएर सम्मान गरिएको थियो । कार्यक्रममा राष्ट्रिय ज्येष्ठ नागरिक महासंघका सचिव मनोहर उप्रेती, नेपाल रेडक्रस सोसाईटी इलामका सभापति देवी प्रसाद गौतम, मेची सहकारी संस्थाका अध्यक्ष रोमनाथ ओली लगायतले बोलेका थिए ।
0 प्रतिकृया:
Post a Comment