बिर्तामोड । बिर्तामोडस्थित बी एण्ड सी अस्पतालमा टाउकोको जटिल शल्यक्रिया सफलतापूर्वक सम्पन्न भएको छ । झापा खुदुनाबारी–१ निवासी ८५ वर्षीय कृष्णप्रसाद ढुङ्गेलको टाउकोको जटिल न्यूरो सर्जरी शल्यक्रिया गरिएको अस्पतालले जनाएको छ । हड्डीमा प्वाल पारेर टाउकोभित्र जमेको रगत निकाल्ने जटिल शल्यक्रिया गरिएको सोमबार अस्पताल परिसरमा पत्रकार सम्मेलनको आयोजना गरी जानकारी गराइएको छ । अस्पतालका न्यूरो सर्जन डा. चन्द्रप्रकाश लिम्बूले ढुङ्गेलको शल्यक्रिया गरेका हुन् । यस प्रकारको शल्यक्रिया दक्ष चिकित्सक, अत्याधुनिक प्रविधि र साधन–स्रोत भएका अस्पतालमा मात्र सम्भव हुने न्यूरो सर्जन डा. लिम्बूले बताए । बिरामीका नाति देशबन्धु ढुंगेलले शल्यक्रियापछि आफ्ना हजुरबुवाको स्वास्थ्य स्थिति सामान्य भएको बताउँदै अस्पताल प्रशासनलाई धन्यवाद दिए । अत्याधुनिक उपकरणसहित गत बैशाख २४ गतेदेखि पूर्णरुपमा सञ्चालनमा आएको अस्पतालले सोमबारदेखि छालामा मासु पलाएको लेजरको माध्यमबाट हटाउने अपरेशन सुरु गरेको अस्पतालका मेडिकल डाईरेक्टर डा. उमेशकुमार शर्माले बताएका छन् ।
0 प्रतिकृया:
Post a Comment