इलाम । इलामको नयाँबजारमा सोमबार आगलागी हुँदा ५ वटा घर जलेर पुर्ण रुपमा नष्ट भएका छन् । आगो नियन्त्रणमा लिन अर्को एउटा घर भत्काइएको छ । स्थानीय कुमार तामाङ्गको घरबाट करिब १२ बजे बाट सुरु भएको आगलागीको कारण तामाङ्ग सहित धन बहादुर भण्डारी, पदम भण्डारी, देवी भण्डारी र राजु भण्डारीको घर पुर्ण रुपमा नष्ट भएको छ । वाङ्गचु शेर्पाको घर घत्काइएको छ । आगो अहिले प्रहरी स्थानीयवासीको प्रयासमा नियन्त्रणमा आएको छ । स्थानीय शिक्षक देवी सुवेदीका अनुसार आगलागि भएको स्थान नजिकै पानी ट्याङ्की रहेकोले आगो नियन्त्रण गर्न सहज भएको हो । आगोले नस्ट भएको घरबाट कुनै सामाग्री निकाल्न नसकिएकाले ठूलो क्षति भएको अनुमान गरिए पनि अहिलेसम्म क्षतिको विवरण सङ्कलन भइसकेको छैन । आगलागीको कारण पनि खुल्न नसकेको स्थानीय पत्रकार राजकुमार दहालले जानकारी दिएका छन् ।
0 प्रतिकृया:
Post a Comment